Млади сте, скоро вработени и сакате свое мирно катче да го надополни вашето секојдневие. Урбаната џунгла станува сѐ погуста, животот сѐ побрз, и во оваа ситуација многу е тешко наоѓањето стан кој во исто време ќе ги исполнува вашите барања за домување и ќе биде соодветен на нашиот џеб. Ве разбираме, но, кој вели дека живеењето во малечок стан треба да биде кошмар?

Иако има површина од само 42m², овој стан не може да се нарече малечок, токму поради тоа што ги има сите елементи кои на една млада личност и’ се потребни, а изгледа толку убаво, што ќе посакате петочните излегувања со пријателите да се релоцираат кај вас дома.
Релативно малата квадратура ги инспирирала дизајнерите да ја искористат целата креативност во креирањето на овој простор. Тимот одлучил да изостави некои од конвенционалните елементи како кревет и софа и пронашол доста интересна замена за нив – две платформи.